ឱកាសវិនិយោគមាស២០២៦ ខណៈតម្លៃអាចដល់ ៦$

ហេតុអ្វីបានជាមាសនៅតែជាជម្រើសល្អបំផុត?

អ្នកជំនាញសេដ្ឋកិច្ចបានបកស្រាយពីមូលហេតុចម្បងៗចំនួន ៣ ដែលធ្វើឱ្យមាសនៅតែមានតម្លៃខ្ពស់៖

១. ការធ្លាក់ចុះនៃអត្រាការប្រាក់៖ នៅពេលធនាគារកណ្តាលអាមេរិកបញ្ចុះអត្រាការប្រាក់វានឹងធ្វើឱ្យការវិនិយោគលើមាសមានភាពទាក់ទាញជាងការទុកប្រាក់ក្នុងធនាគារ។

២. ភាពតានតឹងភូមិសាស្ត្រនយោបាយ៖ ជម្លោះរវាងមហាអំណាច និងភាពមិនច្បាស់ លាស់នៃនយោបាយពាណិជ្ជកម្ម បង្ខំឱ្យអ្នកមានទ្រព្យសម្បត្តិរត់រកមាសដើម្បី សុវត្ថិភាព។

៣. ការកាត់បន្ថយការពឹងផ្អែកលើប្រាក់ដុល្លារ៖ ធនាគារកណ្តាលនៃប្រទេសជាច្រើន កំពុង បន្តលក់ប្រាក់ដុល្លារចេញ ហើយងាកមកទិញមាសសន្សំទុកជាបម្រុងវិញ។

យុទ្ធសាស្ត្រវិនិយោគដែលអ្នកជំនាញណែនាំ

ទោះបីជាមាសមានសក្តានុពលខ្ពស់ ប៉ុន្តែស្ថាប័នទាំងនោះក៏បានផ្តល់ការណែនាំដើម្បីកាត់បន្ថយហានិភ័យផងដែរ៖

បែងចែកទុនឱ្យបានត្រឹមត្រូវ៖ ស្ថាប័ន UBS ណែនាំឱ្យវិនិយោគិនមានមាសត្រឹមតែ ៥% ទៅ ១០% ប៉ុណ្ណោះនៃទ្រព្យសម្បត្តិសរុប ដើម្បីរក្សាតុល្យភាពផលប័ត្រ។

ទិញនៅពេលតម្លៃចុះ (Buy the Dip): អ្នកជំនាញណែនាំឱ្យឆ្លៀតឱកាសទិញបន្ថែមនៅពេលដែលតម្លៃមាសមានការធ្លាក់ចុះបន្តិចបន្តួចក្នុងរយៈពេលខ្លី។

គួររំលឹកផងដែរថា កាលពីឆ្នាំ ២០២៥ កន្លងទៅ តម្លៃមាសបានបង្កើតកំណត់ត្រាខ្ពស់បំផុតរហូតដល់ជាង ៥០ ដង ដែលជាសញ្ញាបង្ហាញថា មាសកំពុងស្ថិតក្នុងវដ្តនៃការឡើងថ្លៃដ៏ខ្លាំងក្លាមួយក្នុងប្រវត្តិសាស្ត្រទំនើប។ ដូច្នេះ សម្រាប់អ្នកដែលសួរថា តើគួរវិនិយោគនៅឆ្នាំ ២០២៦ ដែរឬទេ? ចម្លើយពីស្ថាប័នហិរញ្ញវត្ថុភាគច្រើនគឺ " គឺជាពេលវេលាដ៏សមស្រប"ប៉ុន្តែត្រូវធ្វើឡើងដោយការប្រុងប្រយ័ត្ន និងមានយុទ្ធសាស្ត្រច្បាស់លាស់។